補充鈣質不要單次服用全日劑量

鈣質是人體骨頭最主要的成份，骨骼的成長期在 30歲前，骨質會逐漸增加達到高峰，期間攝取足夠鈣質，就可建立較緻密的骨質。中年以後，骨質每年約流失 0.3%~0.5%，停經後婦女流失會速度更快，為減慢骨質流失速度，每日應攝取足夠的鈣質。而不同年齡有不同的鈣攝取量上限，根據香港衛生署建議的參考攝取量，4~6歲為800毫克；7~10歲 1,000毫克；11~13歲 1200毫克；14~17歲則增加為1000毫克；18-49則為800毫克。

快～唔等於好。就好似補充鈣質，單次服用全日劑量更加唔好！如果單次服用全日劑量，好容易令身體出現毛病㗎！

原因一

小腸對鈣質吸收會有飽和度，劑量超過500毫克以上會令腸道對於鈣質嘅吸收力下降，並將多餘嘅鈣經由尿液同汗水排出。

原因二

過份攝取會對身體造成問題，例如胃脹，便秘，腎石等等。

大家可以從以下食物攝取天然又豐富嘅鈣質～

• 奶類：牛奶、芝士、乳酪
• 魚類：沙甸魚、白飯魚（連骨食嘅魚）
• 豆類：豆腐、豆漿
• 蔬菜類：白菜、大白菜，芥菜
• 堅果類：黑芝麻，腰果

鈣嘅好處有好多，例如：減緩骨質、脊椎流失、降低骨折發生率、預防骨質疏鬆等。

但記住唔好「一次過轟晒」全日所需要嘅攝取量落肚，每次食用量係500毫克以下就最理想啦！

只要係鈣質流失高嘅人士都有機會患上骨質疏鬆，而鈣和維他命D是治療骨質疏鬆的黃金組合！

因為人體需要吸收充足維他命D，才能容易吸收鈣質。若維他命D足夠，身體就能產生足夠的活性維他命D，幫助身體吸收鈣質。
若身體維他命D不足，情況就像打開的水龍頭，鈣就如水，一邊注入一邊流失。

維他命D不足對人體影響

人體無法產生足夠骨化三醇（活性維他命D），當日常飲食攝取的鈣質不足，血鈣水平過低，骨鈣會被提取到血液中以提升血鈣至正常水平。
這種情況會令骨骼失去過多鈣質而變得脆弱。

總括而言，吸收充足的鈣和維他命D，保持骨骼健康！